موضه الغتر أو الشماغ

السلام عليكم ورحمه الله وبركاته..

أسعد الله أوقاتكم بكل خير أخواني وخواتي ..

موضوع مبين من عنوانه..

" موضه الغتر أو الشماغ"

طبعا الكل عايش وشايف حال الناس لما اتقلد الغرب وتلهث ورا تقليد موضتهم

هالغتر صممتها وحده اجنبية..وطبعا الممثليين والمغنيين لبسوها لفتره وعقب خلصت هالموضه عنهم ..

وانتقلت هالموضه للعالم العربي ..وصارو الناس يلبسونها على روسهم أو على رقابهم ومرات يربطونها على ايدينهم ..

نحن ما قلنا لا اتقلدون ولا تلبسون ..

بس القهر هنيه لما اتشوف البنت تتمشى فالشارع ولافه هالغتره
حوالين رقبتها

يعني هي لابسه عباية وشيله وبعد لافه هالغتره..!!

منظر جدا عجيب .!

أحيانا الناس ما يدركون انهم يتابعون الموضه الغلط ..!!

يلبسون الشي وهم عبالهم كاشخين ومستانسين على اعمارهم
وما يدرون أنهم صايرين " علجه " فحلوج الناس.. يعني مخلين عمارهم مصخره وبس ..

انا ما بقول لا تلبسونها..البسوها بس فالبيت مب برع جدام الناس.!!

أصلا هالغتر حق الشباب ..شحقه البنات يلبسونها ..!!

يعني الواحد لما بيشوفهم عادي يقول هذول متشبهات فالرجال..!

انا اعرف ناس يشترون هالغتر .بس ما يلبسونها برع وفوق العبايه..!
يلبسونها فبيوتهم

ابي اعرف..

انتو اتشوفون شكلكم حلو فيها .؟

وبس ما عندي كلام غيره..

تقبول منى أرق تحايا

هييه والله وبعدين هب بالغتر بس ساروا البنات يقلدون الشباب لا في اشياء وااااايد بس ما افول الا الله يهديهم وعلى قولتج يلبوسنها في بيوتها هب لازم في الشارع